29.09.2012 to 13.01.2013

Mats - 1956–1978

Ljósmyndarinn Mats Wibe Lund er landsmönnum að góðu kunnur fyrir loftljósmyndir sínar af landslagi og átthögum. Myndirnar eiga sinn fasta stað á fjölmörgum íslenskum heimilum og er óhætt að segja að Mats hafi markað sér sérstöðu með þeim á íslenskum ljósmyndamarkaði og átt þar sviðið um áralangt skeið. Á sýningunni Mats 1956–1978 er sjónum beint að fyrri hluta ferils hans. Mats myndar það sem fyrir augu ber og vekur forvitni hans á ferðalögum um landið. Um er að ræða skrásetningu á landi og þjóð á tíma sem einkennist af uppbyggingu og metnaði í innlendum iðnaði og miklum þjóðfélagsbreytingum. Minningar lifna við og fara á flug. Við svífum um malarvegi landsins og fáum innsýn inn í stemningu þessa tíma og upplifum margbreytileika tilverunnar í allri sinni dýrð. Mats fangar síldarstemninguna vel enda öllum hnútum kunnugur þar sem hann tók sjálfur þátt í ævintýrinu. Við stöldrum við í heyskap, fylgjumst með flugvæðingu landans, virðum fyrir okkur atorkusemi í sjávarútvegi, útivist milli fjalls og fjöru og er þá aðeins brot upp talið af myndefninu.

Mats - 1956–1978

Myndirnar eru mikilvægt framlag til íslenskrar ljósmyndasögu. Þær eru teknar á 6×6 Hasselblad-myndavél og einkennast af formnæmi og óskeikulli myndbyggingu þar sem tæknikunnátta og listræn gæði haldast í hendur. Mats er afkastamikill ljósmyndari. Hann byrjaði fljótt að taka litljósmyndir og hefur þá sérstöðu að hann hefur haldið áfram að vinna í myndasafni sínu, skráir það skipulega og heldur utan um myndasölu í gegnum vefsíðu sína www.mats.is. Ásamt umfangsmiklum rekstri á myndasafninu rak hann einnig ljósmyndastofu um árabil auk þess að starfa sem blaðamaður í upphafi ferilsins. Mats er nú 75 ára gamall og er enn að og fer í flugferðir til að ljósmynda hvenær sem veður leyfir.

Um Mats Wibe Lund

Mats Wibe Lund fæddist í Noregi 28. febrúar 1937. Hann er sérhæfður í loftljósmyndun sem hann lærði í Konunglega norska flughernum, í Frakklandi og Þýskalandi. Faðir hans rak fyrirtæki sem var í sama húsi og ræðismannsskrifstofa Íslands í Ósló og tendraði það áhuga hans á Íslandi. Mats heimsótti landið fyrst sumarið 1954 er hann vann við uppgröft í Skálholti. Hann heillaðist af landi og þjóð og hefur verið búsettur hér síðan 1966. Mats hefur tekið þátt í mörgum sýningum bæði hér og erlendis og hefur haldið margar einkasýningar á Íslandi.

Info

Info

Reykjavík Museum Of Photography

Grófarhús, Tryggvagata 15, top floor

101 Reykjavík

Tel: (+354) 411 6390

Contact

For groups (10+) bookings please send a request to:

Contact

Opening Hours

Opening Hours

Mon-Thu 10:00-18:00

Fri 11:00-18:00

Weekends 13:00-17:00

Christmas & New Year

Closed 24-26 Dec & 31 Dec-1 Jan.

Easter

Closed from Thurs-Mon

Labour Day

Closed 1 May

Ascension Day

Closed 13 May

Pentecost

Closed 23-24 May

The National Day

Closed 17 June

Admission

Admission

Adults

1,150 ISK

Students with student card

780 ISK

Children (0-17 years)

Free admission

Disabled

Free admission

Reykjavík Culture Year Pass

7,100 ISK

City Card holders

Free admission

Sign up to our mailing list

We will send you information about our events

Subscribe to our photo of the week.