back

Heimsókn til systurborgarinnar Hull í Bretlandi.

07.09.2017 X

Dagana 31. ágúst – 3. september hélt hópur frá Íslandi til Kingston upon Hull, sem er einmitt systurborg Reykjavíkur. Þessi hópur taldi hátt í 40 manns og voru flestir félagar í Öldungaráði Landhelgisgæslunnar og Hollvinasamtökum Óðins.

Borgarsogusafn_heimsokn_til_Hull.jpg
Heimsókn til systurborgarinnar Hull, 31. ágúst - 3. sept 2017.

Dagana 31. ágúst – 3. september hélt hópur frá Íslandi til Kingston upon Hull, sem er einmitt systurborg Reykjavíkur. Þessi hópur taldi hátt í 40 manns og voru flestir félagar í Öldungaráði Landhelgisgæslunnar og Hollvinasamtökum Óðins. Reykjavíkurborg átti fulltrúa í þessum hópi, sem voru forseti borgarstjórnar og formaður menningar- og ferðamálaráðs, auk nokkurra starfsmanna Borgarsögusafns Reykjavíkur. Ferðin er hluti af samstarfsverkefnum Sjóminjasafnsins í Reykjavík (sem er hluti af Borgarsögusafni) og Hull Maritime Museum og var með henni endurgoldin heimsókn enskra fyrr á árinu. Boðið var upp á fjölbreytta dagskrá í Hull og gafst m.a. fyrrum gæslumönnum færi á að hitta enska sjómenn af Íslandsmiðum frá tímum þorskastríðanna. Hvarvetna var Íslendingunum tekið með kostum og kynjum og óhætt er að segja að andi vináttu hafi svifið yfir vötnum. Íslendingarnir gáfu safninu í Hull m.a. merkan grip, sem eru togklippur úr þorskastríðunum.

Borgarsogusafn_togklippur.jpg
Togklippur sem gefnar voru til Hull 1. sept 2017.