Viðey fyrir grunnskóla - 3 klst.

Saga Viðeyjar og náttúra skapa ríkulegan jarðveg til fræðslu í ólíkum námsgreinum. Það er tilvalið fyrir 5. - 7. bekk að nýta sér fræðsluhefti sem fjalla ýmist um sögu, náttúru eða list. Kennarar geta svo valið að nota allt heftið eða hluta þess, eftir því sem hentar best.

videy_tunid_1620x1080.jpg
Viðey

Bekkur: 5.-7.

 

Tími: 3 klst.

 

 

HEIMSÓKN Í VIÐEY

Nestis- og salernisaðstaða er á þremur stöðum í eynni:
• Hesthúsið er nestisaðstaða sem er staðsett fyrir aftan Viðeyjarstofu. Þar er kolagrill sem gestum er frjálst að nota auk salernis og leiksvæðis skammt frá.
• Viðeyjarnaust er aðstaða fyrir stærri hópa ásamt kolagrilli og salernisaðstöðu. Viðeyjarnaust stendur við fjöru sem gaman er að skoða.
• Skólahúsið er í austurhluta eyjunnar. Þar er hægt að setjast inn og borða nesti. Þar er gamalt kolagrill sem gestum er frjálst að nota auk salernis.

Fræðsluhefti fyrir miðstig grunnskóla
Fræðsluheftið veitir kennurum upplýsingar, innblástur og hugmyndir um hvað er gaman að skoða og gera með skólahóp í eynni. Kjósi kennarar að nýta sér fræðsluheftið, mun starfsmaður Borgarsögusafns hitta hópinn við komuna í Viðey og veita þeim upplýsingar um hvar heftin eru geymd og staðhætti. Kennarar ráða svo förinni í eyjunni og geta valið að nota allt heftið eða hluta þess, eftir því sem hentar best.

Bókið heimsókn út í Viðey neðst á þessari síðu. Mikilvægt er að muna bóka ferjuna hjá gulli@eldingu.is. Þá er nauðsynlegt að taka fram hvaða nestisaðstöðu hópurinn vill nota. Hægt er að velja um Hesthúsið, Naustið eða Skólahúsið.

Vinsamlegast athugið að áætlað er að þessi heimsókn taki 3 klst. Ef þið hafið hug á að dvelja í eyjunni lengur en 3 klst., þá er hægt að fara tilbaka um eitt skref og velja Viðey fyrir grunnskóla - 5 klst.