Ævintýraeyjan Viðey - Frístund

Viðey er frábær staður til að njóta útiveru í einstöku umhverfi. Þar er upplagt að fara í hópeflisleiki og rannsóknarleiðangra. Við mælum með dagsferð með nesti og skapandi dagskrá. Allir velkomnir.

HEIMSÓKN Í VIÐEY

Saga Viðeyjar og náttúra gefa grunninn að skemmtilegri útiveru í einstöku umhverfi.

Nestis- og salernisaðstaða er á tveimur stöðum í eynni:
• Hesthúsið er nestisaðstaða sem er staðsett fyrir aftan Viðeyjarstofu. Þar er kolagrill sem gestum er frjálst að nota auk salernis og leiksvæðis skammt frá.
• Viðeyjarnaust er aðstaða fyrir stærri hópa ásamt kolagrilli og salernisaðstöðu. Viðeyjarnaust stendur við fjöru sem gaman er að skoða.

Ef nýta á grillaðstöðu, þarf að taka allt viðeigandi með sér (kol, grillvökva, kveikjara, tangir, mat, diska o.s.frv.)

Heimsóknin er bókuð neðst á þessari síðu. 
Því næst þarf að bóka ferjuna út í eyjuna hjá Eldingu. Vinsamlegast athugið að tímaáætlun miðast við ferjuferðir Eldingar. 

Áætlun ferjunnar: 

Í boði: daglega frá 15. maí til 31. ágúst 2023
Brottför: 10:15, 11:15, 12:15, 13:15, 14:15, 15:15, 16:15 & 17:15
​Til baka: 12:30, 13:30, 14:30, 15:30, 16:30, 17:30 & 18:30