back

Fornar rætur Árbæjar frestast fram í ágúst vegna COVID-19

Ákveðið hefur verið að fresta vettvangsnámskeiði HÍ og fornleifarannsókninni Fornar rætur Árbæjar fram á sumarið vegna Covid-19 en uppgröftur hefur farið fram í maí síðustu árin á bæjarstæði Árbæjar, Árbæjarsafni.

Áætlað er að námskeiðið fari nú fram 4. - 28. ágúst en ef allt gengur upp þá munu fornleifafræðingar grafa á svæði A vikuna  27. -31. júlí og freistast til þess að finna þar miðaldabyggingar sem vitað er að leynast þar. Svæði A sést á meðfylgjandi mynd.

Þessa dagana er verið að vinna að sýningu í Landakoti sem mun fjalla um verkefnið og stefnt er að opnun sýningarinnar í ágúst á meðan vettvangsnámskeiðinu stendur. Hægt er að fræðast nánar um rannsóknina, t.d. inn á Facebook. Einnig má leita að myllymerkinu #FORNARRÆTUR á Instagram. Fyrir þá allra hörðustu er hægt að nálgast uppgraftarskýrslur hér.

Nánari upplýsingar gefur Sólrún Inga Traustadóttir fornleifafræðingur og stjórnandi rannsóknarinnar Fornar rætur Árbæjar.